XXII Festival de Jazz & Blues de Pontevedra
Durante cinco días, as populares prazas do Teucro e Ferrería de Pontevedra encheranse de jazz, blues e soul grazas ao XXII Festival de Jazz & Blues de Pontevedra. Entre o 21 e o 26 de xullo, a cidade do Lérez acollerá citas con algúns dos músicos de maior sona da escena jazz internacional.
Seis concertos gratuítos, distribuídos entre as prazas do Teucro e Ferraría, farán as delicias dos amantes deste xénero. Eric Bibb tráenos o mellor blues acústico norteamericano. Con 35 álbums as súas costas, o neoiorquino presentará o seu último traballo o venres 25 na Praza da Ferraría. O baixista Richard Bona deleitaranos co seu jazz-fusión o mércores 23 no mesmo lugar. Ao día seguinte o toque vocal poñerano Robin McKelle & The Flytones facendo gala do seu último disco “Heart Of Memphis”. A representación nacional ven da man dos galegos Xan Campos e o seu grupo, Gabriel Peso Trío e Marcos Pin Factor E-Reset. Ademais, celebraranse jam-sessions, talleres e jazz na rúa para completar o festival.
Esta XXII edición mantense na liña das anteriores, con formato gratuíto e apto para todos os públicos. Se non queres perderte esta cita musical, Monbus levarate cara a Pontevedra dende Barcelona, Bilbao, Pamplona, Logroño, Vigo, Compostela… e dende moitos outros lugares da xeografía española. Se queres vir a Pontevedra cos teus amigos tamén podes alugar un coche por uns días ou mesmo aluga un autobús!