Resurrection Fest 2014 (Viveiro)
A deusa viquinga do son metal conquistará Viveiro este verán. Esta preciosa localidade costeira pertencente á provincia de Lugo acolle este festival de fama internacional, que se converteu nun dos referentes mundiais do seu xénero, chegando a 33.000 asistentes en 2013.
Na súa novena edición, o Resurrection fest conta como cabeza de cartel cos californianos NOFX, banda xa considerada de culto no panorama rock estadounidense despois de 31 anos na brecha, 12 discos de estudio e 6 millóns de copias vendidas en todo o planeta. Co seu peculiar estilo transgresor, o líder da formación, o baixista Fat Mike (Gordo Mike) é o propietario do selo discográfico Fat Wrek Chords imprescindible na escena punk rock americana.
Tampouco faltarán á cita importantes bandas como Sick of it all (Os neoiorquinos volven ao "Resu" con máis forza que nunca e dispostos a facer vibrar ao público co seu son hardcore contundente) o Crowbar e o seu puro sludge metal dende Luisiana. Os suecos Amon Amarth envoltos nun misticismo que bebe das lendas nórdicas, dende a cidade Tumba, son o máximo expoñente do denominado viking metal, especialmente recomendados para os amigos dos sons máis sombríos... e así ata 60 bandas repartidas en 3 escenarios e que sen dúbida... farán as delicias dos incondicionais da música extrema a guitarrazo limpo.