Monbus

Achégase o momento esperado por moitos de vós... Primavera Sound 2015 arrinca o vindeiro 28 de maio en Barcelona para ofrecervos, como cada ano, a mellor selección musical. 

Abranguendo diferentes xéneros, principalmente pop, rock e a música electrónica, non deixan de tocar outros estilos, xa que ademais da calidade, apostan pola variedade para que calquera xeración poida asistir ao festival e atopar o que busca. Co paso dos anos, Primavera Sound foise asentando ata converterse en todo un referente do panorama musical a nivel internacional. Proba disto é que dos 8.000 asistentes da primeira edición no ano 2001, pasouse aos 190.000 en 2014.

Unha inmensa lista de artistas ocupará os distintos escenarios do Parc do Forum: a incombustible Patti Smith coa súa banda, os estadounidenses The Strokes, o dúo de blues-rock The Black Keys ou a carismática formación Interpol son unha breve mostra do que poderemos atopar ata o 30 de maio no festival.

Ademais para disfrute dos habitantes da Cidade Condal, terá lugar un ciclo de concertos gratuítos, o Primavera als Barris, que se celebrará en diferentes centros cívicos e espazos para a mocidade de Barcelona.

Escolle nesta web unha maneira de viaxar ata a cidade de Barcelona para asistir a este evento. Monbus poncho doado: a través das nosas liñas regulares desde calquera lugar de orixe ofertado, alugando un autocar para grupos configurando o itinerario ao teu gusto, ou quizais indo ao volante dun coche de aluguer sen condutor.