Festa da Empanada de Bandeira (Silleda)
A Festa da Empanada de Bandeira é unha festa de tradición que exalta un dos produtos máis típicos de Galicia: a empanada. Dende o ano 1974, o terceiro fin de semana de agosto os veciños da localidade de Bandeira, que pertence ao concello de Silleda, xúntanse na Carballeira da Silva para pasar unha xornada gastronómica que xirará en torno a este produto tan representativo da gastronomía galega. Declarada Festa de Interese Turístico de Galicia pola súa singularidade e valor cultural, cada ano consegue xuntar a preto de 7000 persoas con moitas gañas de pasalo ben e de comer aínda mellor.
O acto principal é o concurso de empanadas no que participan os restaurantes da zona e as amas de casa, establecéndose así estas dúas categorías. Os concursantes expoñen as súas creacións para que un experto xurado formado por críticos gastronómicos e restauradores de renome decidan cal é a empanada gañadora. Despois, todo será festa e diversión. As deliciosas empanadas estarán acompañadas de gaiteiros, charangas e foliadas que non marcharán ata ben entrada a madrugada.
Merca xa o teu billete para chegar ata Silleda dende localidades como A Coruña, Lugo, Ourense, Pontevedra, Santiago de Compostela, Verín ou Vigo; ou se o prefires, aluga un autocar con condutor ou un coche para viaxar ao teu xeito. Monbus lévate!