Festa da Auga (Vilagarcía de Arousa)
Declarada Festa de Interese Turístico Nacional en 2006, hoxe en día converteuse na cita máis esperada dentro das festas patronais na honra a San Roque. Despois de trasladar ao santo dende a igrexa parroquial de Santa Eulalia de Arealonga á Capela de San Roque, miles de persoas inundan as rúas deste concello lerense. Os veciños saen as súas xanelas e balcóns cargados con cubos de auga dispostos a refrescar aos asistentes e os camións dos bombeiros reparten auga a todo o mundo. Durante toda a semana a localidade acolle actividades culturais e actuacións musicais. Outro dos momentos máis esperados son o espectáculo pirotécnico do Combate Naval e o Desfile de Carrozas. A noite anterior á Festa da Auga moitas persoas saen a gozar do ambiente vilagarciano no que se coñoce coma a Víspera da Festa da Auga.
Vilagarcía de Arousa celebra a Festa da Auga dende mediados dos anos 80. Este festexo surxiu de xeito espontáneo un ano de moita calor cando os romeros que portaban a imaxe de San Roque comezaron a pedir auga aos veciños.
Se estás pensando en acudir á cita, podes Viaxar con Monbus en autobús de liña regular a Vilagarcía de Arousa dende diferentes lugares. Se o prefires tambén podes informarte sobre o noso servizo discrecional nesta mesma web ou alugar un coche e organizar a viaxe coma ti queiras.