Victoria de infarto do Monbus Obradoiro
A sexta vitoria do Monbus Obradoiro veu cargada de suspense. O Montakit Fuenlabrada non llo puxo nada fácil, pero un palmeo de Mike Daum a dous segundos do final decantou a balanza a favor dos composteláns (78-77).
O primeiro tempo iniciouse cunha férrea defensa do equipo visitante. Brodziansky empezou a atopar os ocos no muro fuenlabreño e apoiado nos triplos de Álvaro Muñoz, o Monbus Obradoiro tomou vantaxe (19-10).
No segundo parcial os dous equipos atascáronse en ataque. As xogadas individuais brillaron sobre o colectivo, cun inspirado Mike Daum nos locais. A pesar da súa ofensiva, o Montakit Fuenlabrada acurtou distancias pechando o primeiro tempo a só seis puntos do Monbus Obradoiro (38-32).
Tras o descanso, o Monbus Obradoiro aumentou a súa intensidade en defensa, aínda que non puido frear o avance rival que pechou o cuarto igualando o marcador (57-57).
A acumulación de faltas en xogadores clave do Obra non retardou o seu avance. Czerapowicz levantou aos seus con dous triplos que volveron poñer ao Obradoiro na cabeza. Tras un duro intercambio de golpes, o Fuenlabrada logrou adiantarse no marcador a falta de só un minuto (76-77). Unha posesión atafegante provocou que Muñoz forzase o triplo sendo cuspido polo aro. Mike Daum foi o máis rápido en chegar ao balón cun palmeo incontestable que sentenciou ao Montakit Fuenlabrada e que supuxo a sexta vitoria do Monbus Obradoiro.