O Monbus Obradoiro derrota ao Betis en Sar
O Monbus Obradoiro deu un novo paso este domingo ante a súa afección, derrotando ao Coosur Real Betis por 82 a 73. Grazas a esta vitoria, o Obra colle aire e pon terra polo medio coa zona baixa da táboa.
O primeiro parcial comezou a favor dos andaluces, pero rapidamente Fletcher Magee e Vladimir Brodziansky despegaron o marcador a favor do seu equipo (25-16).
O Coosur Real Betis reorganizouse en defensa durante o segundo cuarto obrigando aos xogadores do Monbus Obradoiro a tirar desde o perímetro. O ataque resentiuse e os andaluces igualaron antes do descanso (36-36).
Os visitantes creron na remontada e lanzáronse a por a vitoria na segunda metade. En menos de dous minutos e tras un gran parcial, os béticos colleron nove puntos de vantaxe grazas ao seu defensa e os erros do Monbus Obradoiro. A pesar das adversidades, o conxunto obradoirista non se rendeu e grazas ao impulso das dupla Pozas e Muñoz, o terceiro tempo pechouse cos locais na cabeza (58-55).
O último cuarto foi un recital do Monbus Obradoiro desde a liña de triplos. Os andaluces acusaron os nervios fallando, situación da que o Obra sacou petróleo ampliando a diferenza ata os doce puntos grazas a un triplo de Maxime de Zeeuw. O Betis seguiu tentándoo sen poder en ningún momento cun robusto Monbus Obradoiro.