Un Gastropuente con moito sabor
A quen se lle ocorre un plan mellor que uns días de escapada para gozar da mellor gastronomía? E que mellor ocasión que a próxima ponte do Día de Todos os Santos para levalo a cabo? Dúas preguntas e unha soa resposta, Monbus!
Este 1 de novembro, Monbus é o compañeiro de viaxe ideal para percorrer os mellores destinos e degustar os pratos máis típicos nos seus singulares recunchos gastronómicos.
Os clásicos nunca fallan
Neste roteiro gastronómico, San Sebastián é parada obrigatoria e o bacallau ao pil pil o seu prato con máis tradición. Na súa elaboración empréganse catro ingredientes principais (bacallau, aceite de oliva, allo e guindillas) que se xuntan nunha cazola de barro.
Para os amantes dos produtos do mar, Vigo tamén é un destino referencia. Na cidade olívica pódese degustar o exquisito polbo á galega, un prato tradicional de Galicia elaborado con polbo cocido que se adereza con sal, aceite de oliva e pemento. Unha delicia.
Algo máis contundente para o estómago é o cocido madrileño, un dos pratos máis representativos da cociña de Madrid. Consiste nun guiso cuxo ingrediente principal son os garavanzos, acompañados de verduras, touciño de porco, carnes e embutidos. Un bo aliado para os días máis fríos do outono.
Onde manda o enxebre
Se o plan é coñecer o mellor de Salamanca, probar as patacas revolconas ten que estar no check- list de cousas pendentes. Igual que a botifarra amb mongetes da cociña máis tradicional se eliximos Barcelona como destino ou o bacallau ao ajorriero que, aínda que a Pamplona o mar queda un pouco lonxe, é unha receita que nunca falta nos menús da cidade navarra.
Todos estes pratos estrela da gastronomía popular agrupan numerosos ingredientes que combinan perfectamente nunha explosión de sabor e cor para facer de cada un deles unha auténtica delicia para o padal. Coas opcións sobre a mesa, agora só queda elixir a mellor compañía para compartir a viaxe.