Monbus reforza o seu compromiso ambiental
A protección da contorna e a loita contra o Cambio Climático son dúas metas inamovibles na folla de roteiro que Monbus leva seguindo desde hai anos. Baixo este pretexto, Vibasa e Maldeasa, empresas adheridas a Monbus, acaban de superar a auditoría de verificación segundo o Regulamento 1221/2009 ( EMAS III), un modelo de excelencia para a xestión ambiental.
A aplicación deste Sistema Comunitario de Xestión e Auditoría Ambientais (segundo as súas siglas en inglés) vén reforzar o compromiso que Monbus mantén co medio ambiente. Mediante este recoñecemento, Vibasa e Maldeasa son as primeiras de entre as empresas adheridas a Monbus en dispoñer dun sistema de xestión avanzado que demostrou a súa eficacia na mellora do comportamento a nivel ambiental das organizacións.
Coa verificación EMAS, as empresas evidencian un maior rigor no cumprimento da lexislación vixente en materia de medio ambiente e unha maior implicación na mellora do desempeño ambiental. Tamén se fomenta unha maior transparencia, dado o requisito adicional de publicación periódica de información sobre esta temática