Así se vive a #experienciaMonbus
Monbus, autobús oficial do Atlético de Madrid, puxo en marcha un concurso para que os seus usuarios poidan sentirse como uno máis do equipo branquivermello grazas a un premio moi especial: poderán coñecer en persoa aos xogadores colchoneiros, facer un percorrido por Madrid no autobús oficial do primeiro equipo e realizar o circuíto polo Wanda Metropolitano.
Para participar, os usuarios deberán rexistrarse no Club Monbus e responder correctamente a unha sinxela pregunta que atoparán entre as actividades presentes na plataforma. Así entrarán no sorteo dunha das 20 prazas dobres dispoñibles. O prazo para participar termina o vindeiro luns 6 de maio.
Unha auténtica #experienciaMonbus
Os gañadores do concurso vivirán unha experiencia inesquecible que comezará cunha visita guiada polo Wanda Metropolitano para coñecer todos os segredos da nova casa branquivermella. Os afortunados poderán revivir a historia do Atlético de Madrid a través de momentos inesquecibles, camisetas de lenda e grandes títulos que adornan o museo. Ademais, poderán sentirse como un xogador máis do equipo visitando o espectacular vestiario e o túnel de saída ao céspede do maxestuoso estadio colchoneiro. Por último, poñeranse na pel de Griezmann, Koke ou Saúl ao pasar pola zona mixta e a sala de prensa para completar a visita.
A continuación, subirán ao autobús oficial do Atlético de Madrid e farán un percorrido pola capital para coñecer lugares icónicos da afección branquivermella como a emblemática fonte de Neptuno, onde o Atlético de Madrid celebra os seus títulos. Esta viaxe polo centro de Madrid terá como destino a Cidade Deportiva Wanda para presenciar un adestramento do primeiro equipo ás ordes do Cholo Simeone.
As sorpresas non acaban aí xa que aínda lles espera o prato forte. Ao acabar a sesión preparatoria, gozarán dun exclusivo meet& greet cos xogadores do Atlético de Madrid.