Monbus promove un futuro máis eficiente
Na súa loita contra o cambio climático, a estratexia ambiental de Monbus pasa polo claro obxectivo de mellorar o seu desempeño enerxético, reducindo o consumo de enerxía e, con iso, as emisións de gases de efecto invernadoiro.
Como aval de que este propósito vai por bo camiño, gran parte das empresas adheridas a Monbus contan coa certificación UNE ISO 50001 de Sistemas de Xestión da Enerxía. Esta importante ferramenta axuda a levar un control exhaustivo do consumo de enerxía e a establecer obxectivos acorde ás posibilidades reais de redución. A maiores, a norma permite detectar máis facilmente posibles áreas de mellora nas que seguir progresando na eficiencia enerxética.
Enmarcado dentro desta estratexia, varias empresas adheridas a Monbus poñerán en marcha proximamente un novo proxecto de mellora enerxética, centrado en tres puntos: a realización de auditorías enerxéticas, a implantación dun novo sistema tecnolóxico para a xestión de frotas e a formación do persoal. Con todas estas medidas Monbus espera conseguir unha redución de polo menos o 10% no consumo enerxético nas frotas implicadas.
Paralelamente, estas medidas axudarán a conseguir tamén avances na produtividade e na seguridade, xa que se dispoñerá de máis información e medios para optimizar a planificación de rutas ou mellorar o control das incidencias na estrada.