Monbus estrea rutas no centro peninsular
Monbus iniciará o próximo 27 de agosto a súa actividade na VAC-247, Aldeanueva del Camino (Cáceres) - Madrid, que cruza o Sur de Castela e León no seu camiño cara á capital de España. A estrea coincidirá cun cambio de parada en Madrid, da Estación Sur de Méndez Álvaro ao Intercambiador de Transportes de Moncloa, que posibilitará un aforro de tempo de 20 minutos.
A concesión contempla as seguintes rutas:
Ruta 1: Aldeanueva del Camino – Madrid
Ruta 2: Linares de Riofrío – Madrid
Ruta 3: Linares de Riofrío – Piedrahita
Ruta 4: El Barco de Ávila – Ávila
Ruta 5: Piedrahíta – Madrid (Directo)
Ruta 6: El Barco de Ávila – Piedrahita
Monbus iniciará o seu servizo concesional o 27 de agosto. Con todo, os usuarios poden adquirir xa os seus billetes en venda anticipada a través da web.
Monbus ten activo o seu club de fidelización que permite aos viaxeiros obter, previo rexistro, descontos en billetes, ademais de premios e outras vantaxes. Paralelamente, a empresa ofertará diferentes descontos a menores, maiores, estudantes, militares sen gradación, pensionistas, por venda anticipada ou bonos por número de viaxes, ida e volta, persoas con mobilidade reducida e grupos.
Entretemento a bordo
Cinco vehículos incorporaranse á frota dispoñible para a prestación deste servizo. Estes modernos Man Lion´s Coach levarán instalada a tecnoloxía máis avanzada do mercado, con extraordinarias opcións de entretemento.
As butacas teñen incorporadas pantallas individuais con diferentes posibilidades de distraccións. Desde películas ou series como seleccións audiovisuais principais, o sistema tamén convida a ver canles de televisión en directo ou acceder a internet a través dun navegador. A maiores, os usuarios poderán encher unha enquisa de satisfacción.
Toda esta oferta está accesible a través do sistema Own Device nos dispositivos electrónicos particulares conectándose a través da Wifi de alta calidade que forma parte do amplo equipamento dos autocares.
Os buses dispoñen de enchufes individuais de 220v e USB en todas as prazas, luces de lectura, máquina de vending, cafeteira, quenta leites para bebés e un baño.
Entre os elementos de seguridade, contan con sistema ESP ou similar, asistente de freada de emerxencia, detector de fatiga, asistente de carril, control de cruceiro predictivo, detector de fume na adega, cintos de seguridade, sistema Isofix e desfibrilador.