Nova liña Cangas a H. Álvaro Cunqueiro
A partir do 8 de novembro, Monbus establece unha nova ruta que conectará Cangas e Moaña ao Hospital Álvaro Cunqueiro e tamén ao Hospital Meixoeiro. Esta nova ruta que se inclúe dentro da liña XG-525 que saíu na contratación na primeira fase do Plan de Transporte Público da Xunta.
Ante a demanda dos concellos da zona dun servizo que cubrise as necesidades do persoal sanitario, Monbus presentou hai unhas semanas ante a Consellería de Infraestruturas a proposta dunha nova ruta. Tras varios axustes de horarios, o grupo de transporte galego obtivo luz verde para a liña Cangas - Moaña - Domaio- AP-9- Saída 5V- Hospital.
Os horarios da ruta serán os mesmos de luns a domingo. Desde Cangas ás 06:40, 13:40 e 20:40 con volta ás 08:15, 15:15 e 22:15. Ademais do persoal sanitario que rolda o centenar de usuarios, tamén os veciños da comarca veranse beneficiados por esta ampliación.
Esta nova incorporación supón pequenas modificacións nas rutas xa establecidas na zona, toda a información poderase consultar na web de Monbus (www.monbus.es) e tamén será publicada nas propias paradas.