O Río Natura Monbus vence ao Fuenlabrada
O Río Natura Monbus Obradoiro conseguiu este fin de semana a súa undécima victoria da tempada fronte ao Montakit Fuenlabrada cun marcador de 82-88.
O equipo galego prosegue desta forma coa súa racha triunfal, asegurándose practicamente a permanencia na Liga Endesa un ano máis.
Os de Moncho Fernández tardaron pouco en afianzarse no encontro, disfrutando do xogo e respondendo con facilidade ás embestidas do equipo rival. Só a entrada en escena do base Alberto Díaz (18 puntos e 21 de valoración), conseguiu erguer os ánimos dos locais. Sen embargo, a inspiración dos xogadores do Río Natura Monbus facilitou a consecución dunha nova e merecida victoria (82-88).
O alemán Maxi Kleber foi o protagonista indiscutible, conseguindo o galardón de MVP da xornada con 36 puntos e 45 de valoración. Destacou tamén a aportación dos aleros Alberto Corbacho, con 11 puntos, e Pavel Pumprla con 24.
A afición obradoirista fíxose notar nas gradas celebrando a segunda victoria consecutiva do equipo e a undécima na Liga ACB. O próximo Domingo, 29 de marzo, os galegos mediránse co CAI Zaragoza en Fontes do Sar.