Monbus

En Monbus, falar de Seguridade Viaria é falar dunha das prioridades en constante revisión e actualización. Así pois, tanto para garantir a protección da saúde dos empregados, como para ofrecer un transporte seguro aos viaxeiros e resto de usuarios das vías, as principais empresas de Monbus contan coa certificación UNE ISO 39001.

Esta credencial establece os requisitos necesarios para un Sistema de Xestión da Seguridade Viaria e recomenda unha serie de boas prácticas que Monbus foi establecendo de maneira organizada e eficiente.

Grazas a ela cóidanse aspectos tales como a adecuada cualificación, a ampla formación e experiencia do persoal e a súa preparación para responder ante posibles emerxencias. Outro punto para ter en conta atende á sensibilización no cumprimento das normas de tráfico. Ademais, débense realizar revisións exhaustivas dos vehículos para garantir a optimización das condicións de circulación equipando, entre outros, os dispositivos obrigatorios de protección.

Estes aspectos representan tan só unhas pinceladas das directrices recollidas na Política de Seguridade e que evidencian a importancia que Monbus outorga a esta materia.