Monbus arrinca a tempada de festivais
Amigos, festa, diversión e música en directo. A tempada máis tola do ano está a piques de comezar e para gozala ao grande Monbus poncho fácil. Grazas á colaboración con DeFestivales, Monbus é patrocinador e provedor dos servizos de transporte discrecional dalgúns dos festivais musicais máis relevantes a nivel nacional, levando aos usuarios desde diversos puntos da península ata o parking privado de cada recinto.
Estrea rockeira
A primeira cita musical ineludible será para os amantes do rock. A localidade manchega de Villarrobledo acollerá o próximo 28, 29 e 30 de abril unha nova edición do Viña Rock. Reincidentes, Rulo y la Contrabanda, La Raíz, Dakidarría ou Medina Azahara encabezan o cartel de tres intensos días de moito rock.
O mes de xullo virá tamén cargado de concertos. Durante os días 5, 6 e 7 de xullo, Barbate desbordará diversión. O festival Cabo de Plata contará con catro escenarios nos que Steve Aoki, C.Tangana ou Dellafuente serán os grandes protagonistas.
Unha semana máis tarde, do 12 ao 14 de xullo, o Bilbao BBK Live converterá á cidade vasca no epicentro da península a nivel musical. Unha das referencias nacionais no que a festivais refírese terá entre os seus atractivos da edición deste ano a Florence + The Machine, The Chemichal Brothers ou Gorillaz.
O prato forte
Os máis independentes non se poden perder o Arenal Sound, que este ano terá lugar do 31 de xullo ao 5 de agosto. Na súa novena edición, o elenco de grandes nomes estará formado, entre outros, por Dimitri Veigas & Like Mike, Bad Bunny, Lost Frequencies ou Arkano.
Como despedida aos meses máis festeiros está o Granada Sound. Crystal Fighters, La Casa Azul, Carlos Sadness e Sidecars lideran a nómina de grupos que actuarán na cidade andaluza os días 21 e 22 de setembro.
Os modernos vehículos que compoñen a frota de Monbus proporcionan unha experiencia de viaxe máis segura e confortable. Os enchufes de corrente individuais, a conexión USB en cada asento e a rede Wifi de alta calidade farán que o festival comece nada máis subir ao autobús, sen que a batería ou os megas sexan unha preocupación. A única inquietude será decidir a que concerto acudir.
Nas diferentes redes sociais de Monbus haberá sorteos e concursos nos que se poderán conseguir entradas, abonos e billetes de autobús para todos estes festivais. Quen vén de #RutaMonbusFest?