Ampliación de horarios entre Lugo e Vigo
A partir do próximo luns 26 de febreiro, a liña que conecta Lugo e Vigo incrementará as súas frecuencias os venres e os domingos. Así quedou fixado tras a última actualización do Plan de Transportes de Viaxeiros por Estrada establecido pola Xunta de Galicia.
Tanto os venres como os domingos, desde a cidade amurallada sairá un autobús ás 15:15h e outro ás 19:05h. Da mesma forma, neses mesmos días desde a urbe viguesa sairá unha expedición ás 15:15h e outra ás 18:15h.
Referente á mesma concesión, a liña que vai de Lugo a Pontevedra pasando por Lalín e Vilatuxe sufriu algunhas variacións de horarios.
Outra das novidades importantes refírese á liña Lalín - Vilatuxe - Pontevedra, xa que tamén se ampliaron as frecuencias para comezar a operar a partir das 07:30h.
Os novos horarios desta concesión pódense descargar nas seguintes ligazóns:
• Saídas desde Lugo
• Saídas desde Lalín
Calquera usuario que precise utilizar os servizos da compañía, pode solicitar a información por teléfono (982.29.29.00), email (info@monbus.es) ou a través das redes sociais (Facebook, Twitter, G+ e Instagram).