O Obradoiro vence ao invicto Fuenlabrada
Importante vitoria do Monbus Obradoiro ante o Montakit Fuenlabrada. Os de Madrid chegaban ao encontro con pleno de vitorias (5 de 5) e ademáis xogando na casa ante os seus. Ese panorama non amilanou aos galegos que saíron a por todas (65 - 73).
O gran partido do Obradoiro podería resumirse nunha palabra clave, defensa. O primeiro tempo foi unha demostración do estado de gracia no que se atopan os tiradores do Obra. Thomas e Pozas romperon o marcador nos primeiros minutos ao endosar dous triples seguidos aos madrileños (2 - 10). O Fuenla decidiu deixar de ser un espectador máis e púxose as pilas logrando case a igualada (18 - 19).
No segundo cuarto o Monbus Obradoiro comezou co pe esquerdo recibindo un severo castigo do Fuenla (9 - 0). Moncho frenou a sangría cun tempo morto no que reorganizou as súas forzas cun rotundo éxito ao conseguir anotar 8 puntos seguidos. Non foi suficiente e o Fuenlabrada foise ao descanso por diante (36 - 33).
O terceiro tempo comenzou con vento de cola para os locais, ata que Corbacho anotou unha tripla e Thomas lle seguiu cun 2+1. O Obra mantivo a diferenza ata o final do tempo (51 - 55).
O último cuarto foi a sentencia e condea do Montakit Fuenlabrada. Cunha tripla de Bendzius acadouse a maior diferenza do partido (55 - 64). Os locais intentárono todo, apretaron os dentes e montaron unha gran defensa obtendo un parcial de 7 puntos. Estaban a tan so un punto, pero a gran efectividade do Obra foi un mazazo ante o que nada se puido facer. A falta dun minuto Thomas e Llovet ampliaron a vantaxe. A guinda do pastel chegou da man de Pozas que pechou o encontro da mellor forma posible cunha tripla a falta de segundos.