Nova certificación en Condución Eficiente
A Condución Eficiente é un firme compromiso que Monbus ten desde hai anos. Recentemente conseguiu que catro das súas empresas adscritas obteñan a certificación segundo a especificación EA 0050 de Sistema de Xestión de Condución Eficiente de Vehículos Industriais.
Esta certificación establece o control dunha serie de parámetros como son a velocidade media, o consumo de combustible ou o uso de embrague, entre outros. Co fin de executar un rexistro regular de todos os datos, Monbus desenvolveu un sistema informático onde almacenalos e procesalos. O reporte xornal aos condutores sobre o seu desempeño na condución, xunto á súa continua formación en Condución Eficiente, converten a Especificación EA 0050 nun aval no referente á execución dunha correcta condución.
Monbus veu facendo nos últimos anos un importante investimento en equipamentos destinados á monitoraxe da condución da súa moderna frota, formación e sensibilización do seu persoal neste ámbito. Todo iso permitiu, no seu conxunto, identificar comportamentos non desexados ao volante e a súa corrección, así como áreas de mellora nos estilos de condución.
O aumento da eficiencia enerxética e a redución de gases de Efecto Invernadoiro son dous dos maiores beneficios da Condución Eficiente. Ademais, de maneira indirecta, contribúe á mellora da seguridade e o confort tanto dos viaxeiros como do propio condutor. Así pois, Monbus continúa apostando por mellorar os seus servizos, respectando o medio ambiente e poñendo sempre a seguridade en primeiro termo.