Monbus refuerza el servicio escolar
A poucas semanas do comezo do curso escolar, Monbus ultima a xestión operativa da frota que destinará ao servizo de transporte escolar ao incorporar 10 novos minibuses Mercedes - Benz Sprinter 519 con carrocería Nogebus.
Estes vehículos contan cun avanzado equipamento en materia de seguridade, por exemplo, o detector de cambio de carril (SPA), o sistema de control de estabilidade (ESP), o sistema antibloqueo de freos (ABS), o control de tracción (ASR) ou o sistema de repartición electrónica de freada (EBD ou EBV). Completando estes elementos, estes autocares contan con confortables butacas con cintos de 3 puntos, o cal incrementa considerablemente a protección.
Ademais están equipados con varias prazas perfectamente acondicionadas e sinalizadas para persoas de mobilidade reducida en cadeira de rodas (PMRSR), así como rampla eléctrica de acceso.
Doutra banda, estes modelos contribúen á sustentabilidade ambiental fomentando a movilidad sustentable ao posuír motores que cumpren a normativa de gases de escape Euro VI e tecnoloxía BlueTEC.
Por tanto, todo isto vén confirmar a adecuación destes minibuses para o servizo de transporte de escolares, dando mostra do interese de Monbus por proporcionar un servizo de calidade superior por medio dunha frota en constante renovación, obxectivo que transcende máis aló do transporte discrecional, estando presente nas outras dúas principais liñas de negocio da empresa, o servizo regular e o servizo de renting.